Թրամփը պատրաստ է ռազմական ուժ կիրառել Վենեսուելայի դեմ․ Քերոլայն Լևիթ

29 ՕԳՍ 2025 05:49

ԱՄՆ նախագահ Դոնալդ Թրամփը պատրաստ է օգտագործել ԱՄՆ-ի ռազմական ուժերի «ամբողջ հզորությունը» Վենեսուելայից թմրանյութերի մաքսանենգության դեմ պայքարելու համար:

Սպիտակ տան մամուլի խոսնակ Քերոլայն Լևիթը հայտարարել է, որ Կարիբյան ավազանի բազմաթիվ երկրներ հավանություն են տվել ԱՄՆ-ի ռազմական գործողությանը այդ նպատակով:

«Նախագահը պատրաստ է կիրառել ամերիկյան ուժի յուրաքանչյուր տարր՝ մեր երկիր թմրանյութերի հոսքը կանգնեցնելու և մեղավորներին պատասխանատվության ենթարկելու համար»,- ասել է տիկին Լևիթը:

Օգոստոսի կեսերին հայտնի դարձավ, որ ԱՄՆ-ն ռազմանավեր է ուղարկել Վենեսուելայի ափերի մոտ՝ նախագահ Թրամփի՝ լատինաամերիկյան թմրակարտելների դեմ պայքարի ծրագրի շրջանակներում: Վենեսուելայի նախագահ Նիկոլաս Մադուրոն հայտարարել է մոբիլիզացիայի և 4,5 միլիոն զինյալների պատրաստման մասին՝ երկիրը պաշտպանելու համար:

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել